“İkinci qələbəni qazanmaq çox vacib idi” – De Byazi

“Düşünürəm ki, Belarusla matçdan sonra ikinci qələbəni qazanmaq çox vacib idi”.

Komanda.az xəbər verir ki, bu sözləri futbol üzrə Azərbaycan millisinin baş məşqçisi Canni De Byazi UEFA Millətlər Liqasının qrup mərhələsinin 5-ci turunda səfərdə Slovakiyaya 2:1 hesabı ilə qalib gəldikləri oyundan sonra Heydər Əliyev Beynəlxalq Aeroportunda “CBC Sport”a açıqlamasında deyib.

İtaliyalı mütəxəssis komandasından razı qaldığını bildirib:

“İnamlı oynayıb, Bakıya yaxşı nəticə ilə qayıtdıq”.

66 yaşlı baş məşqçi “Dalğa Arena”da Qazaxıstanla oynayacaqları qrupun son matçına da toxunub:

“Qarşıdakı oyun üçün ilk növbədə bərpa olunmalıyıq. Bundan sonra kimlərin oynayacağına qərar verəcəyik”.

Sentyabrın 25-də keçiriləcək Azərbaycan – Qazaxıstan görüşü saat 20:00-da başlayacaq.