Bakıdakı dünya çempionatına 145 ölkədən minə yaxın idmançı qatılacaq

Bu il Bakıda keçiriləcək taekvondo üzrə dünya çempionatına qeydiyyatdan keçən ölkələrin sayı açıqlanıb.

Komanda.az xəbər verir ki, 145 ölkədən 933 idmançı qeydiyyatdan keçərək, öz iştiraklarını təsdiqləyiblər.

2022-ci ildə Meksikada baş tutan sonuncu çempionatda 120-dən çox ölkədən 756 idmançı qeydiyyatdan keçmişdi.

Yarışla bağlı Azərbaycana 2000-ə qədər qonağın gəlişi nəzərdə tutulur.

Xatırladaq ki, yarış 29 may – 4 iyun aralığında Bakı Kristal Zalında baş tutacaq. Giriş pulsuzdur.