Bakıda ilk dəfə badminton üzrə Avropa çempionatı keçiriləcək

2025-ci il fevralın 12-16-sı aralığında Bakıda ilk dəfə badminton üzrə qarışıq komandaların Avropa çempionatı keçiriləcək.

Bu barədə Komanda.az-a Azərbaycan Badminton Federasiyasından məlumat verilib.

Bakı İdman Sarayında keçiriləcək turnirdə 8 komanda mübarizə aparacaq. 1-ci qrupda yer alan millimizin rəqibləri son çempion Danimarka, İspaniya və İngiltərə yığmalarıdır. İlk 2 pillənin sahibləri yarımfinala vəsiqə qazanacaq.

Digər qrupda Fransa, Almaniya, Çex Respublikası və Niderland komandaları yer alıb.