“Bacara bilməyəcəyimi hiss edənə qədər meydana çıxmaq niyyətindəyəm” – Messi

“İnter Mayami”nin hücumçusu Lionel Messi karyerasını nə zaman bitirəcəyi ilə bağlı sualı cavablandırıb.

Komanda.az “Marca”-ya istinadən xəbər verir ki, o, təqaüdə çıxması ilə bağlı hələ bir fikrinin olmadığını bildirib:

“Əvvəlcə də demişdim ki, gələcəyi düşünmürəm. Mən bu günü yaşamaq istəyirəm. Fiziki cəhətdən indi əla işləyirəm. Daha nə qədər oynayacağım barədə dəqiq cavab verə bilmərəm. Bacara bilməyəcəyimi hiss edənə qədər meydana çıxmaq niyyətindəyəm”.

Argentinalı hücumçunun “İnter Mayami” ilə müqaviləsi 2025-ci ilə qədərdir. O, ABŞ klubu ilə Liqa kubokunu qazanıb.

Xatırladaq ki, oktyabrın 30-da Fransanın “France Football” qəzetinin ötən mövsümün nəticələrinə görə mükafatlandırma mərasimi baş tutub. Səsvermənin nəticələrinə əsasən, Messi “qızıl top” mükafatını alıb. Bu, onun karyerasında səkkizinci belə mükafat olub.