![](https://komanda.az/wp-content/uploads/2024/03/images.jpg)
“Premyer Liqa çox çətin çempionatdır” – “Liverpul”un keçmiş futbolçusu
“Liverpul”un sabiq hücumçusu Rayan Babel klubun niderlandlı futbolçuları Rayan Qravenberx və Kodi Qakpo haqda danışıb.
Komanda.az “Liverpool Echo”-ya istinadən xəbər verir ki, o, zaman keçdikcə bu futbolçuların ən yaxşı tərəflərini göstərəcəklərini söyləyib:
“Qravenberxin keçən yay “Liverpul”a keçməsindən şadam. Düşünürəm ki, ona tam uyğunlaşmaq üçün bir az vaxt lazım olacaq, amma bunu etdikdən sonra Rayan “Liverpul” üçün böyük bir seçim olacaq. Tezliklə hamımız onun istedadını görəcəyik.
Qakpoya gəlincə, onun əla oyunçu olduğunu düşünürəm. Lakin Niderlanddan köçəndən sonra onun üçün işlər asan olmadı. Premyer Liqada ilk günlərdə mübarizə aparan çoxlu futbolçuları xatırlayıram. Bu futboldur, Premyer Liqa çox çətin çempionatdır. Amma bu uşaqlar buna öyrəşib. Özlərinə inam qazanan kimi, əminəm ki, onlarda hər şey yaxşı olacaq”.
Rayan Qravenberx 2023-cü ilin yayında “Bayern”dən “Liverpul”a keçmişdi. Kodi Qakpo 2023-cü ilin qışında komandaya qoşulub.
Bizi Facebook-da izləyin