Ferdinand: “Premyer Liqada səfər oyunları çox çətindir”

İngiltərə millisinin sabiq müdafiəçisi Rio Ferdinand Premyer Liqada “Mançester Yunayted”in “Fulhem” üzərində qələbə qazanmasını (1:0) şərh edib.

Komanda.az BBC-yə istinadən xəbər verir ki, ingiltərəli keçmiş futbolçu, Premyer Liqada səfər oyunlarının çox çətin olduğunu bildirib:

“Komandanın oyununda kreativliyin olmaması barədə istədiyiniz qədər danışa bilərsiz, amma öz təcrübəmdən bilirəm ki, Premyer Liqada səfər oyunları çox çətindir. Bəzən qələbəni sadəcə dişinlə qoparmalı olursan”.

Bu qələbədən sonra “qırmızı şeytanlar”ın aktivində 29 xal var. Ruben Amorimin komandası İngiltərə çempionatının turnir cədvəlində 12-ci yerdədir.