“Bəzi dəyişikliklərin olacağı deyilir, amma…” – Luis Suares

“Barselona”dakı gələcəyi müzakirə edilən Luis Suares açıqlama verib.

Komanda.az xəbər verir ki, “El Pais”ə danışan uruqvaylı futbolçu, Kataloniya klubunda qalmaq istədiyini bildirib:

“Mənə güvənsələr, əlimdən gələni edərək, komandaya fayda vermək istəyirəm. Bura gələndən insanların dəstəyini hiss edirəm və bu, mənə güc verir. Komandaya hələ kömək edə bilərəm. Bəzi dəyişikliklərin olacağı deyilir, amma kimsə mənə ayrılmağımla bağlı nəsə deməyib. Klubun belə fikri olsa, bunu mənə demələri daha yaxşı olar. Klub üçün ən yaxşısını istəyirəm və bugünkü fikrim davam etməkdir”.