Rəcəbov FİDE-nin xəbərini yalanladı: “Bu, düzgün deyil, turnirdən çıxmağım üçün…”

Azərbaycanlı şahmatçı Teymur Rəcəbovun İddiaçılar Turnirindən imtina etməsinin səbəbi şəxsi məsələləri deyil.

Komanda.az xəbər verir ki, bu barədə Rəcəbov “instagram” hesabında məlumat yayıb. O, FİDE-nin yaydığı məlumatın düzgün olmadığını bildirib və İddiaçılar Turnirindən imtinasının şəxsi səbəblərlə əlaqədar olmadığını deyib:

“Əziz həmvətənlər, şahmat həvəskarları, şahmat ictimaiyyəti, həmkarlar və dostlar. Bu, düzgün deyil, turnirdən çıxmağım üçün şəxsi səbəblərim yoxdur. FİDE-yə göndərdiyim məlumat və onların cavabı ilə bağlı tezliklə açıqlama verəcəyəm”.

FİDE, Teymur Rəcəbovun şəxsi səbəblərə görə İddiaçılar Turnirindən ayrıldığını və onu fransalı Maksim Vaşye Laqravın əvəzləyəcəyini bildirmişdi.