Azərbaycanlı idmançı “Karate-1” A Seriya turnirində “bürünc” qazanıb

Azərbaycan idmançısı Rəşid Süleymanov (75 kq) Avstriyanın Zalsburq şəhərində keçirilən “Karate-1” A Seriya turnirində bürünc medal qazanıb.

Bu barədə Komanda.az-a Karate Federasiyasının mətbuat xidmətindən bildirilib.

Azərbaycan millisinin üzvü fəxri kürsünün üçüncü pilləsinə yüksəlib.

Dünən millinin digər üzvü Hüseyn Məmmədli gümüş medal qazanmışdı.

“Karate-1” A Seriya turnirləri idmançıların dünya reytinqində xal toplaması baxımından böyük əhəmiyyət daşıyır.