Azərbaycanlı həkim beynəlxalq yarışa dəvət alıb

Azərbaycan Voleybol Federasiyasının (AVF) həkimi, Avropa Voleybol Konfederasiyasının (CEV) Tibb Komissiyasının üzvü Vüsalə Kazımova beynəlxalq yarışa təyinat alıb.

Komanda.az AVF-nin mətbuat xidmətinə istinadən xəbər verir ki, Kazımova 22 yaşadək (U-22) qızların Avropa çempionatının final mərhələsində fəaliyyət göstərəcək.

Həmyerlimiz İtaliyanın Kopertino və Lecce şəhərlərində baş tutacaq oyunlara CEV-in tibbi nümayəndəsi kimi nəzarət edəcək.

Bu gün startı veriləcək yarış iyulun 6-na qədər davam edəcək.