Azərbaycanlı boksçular iki medal qazandılar – Beynəlxalq turnirdə

Azərbaycan boksçuları Bolqarıstanın paytaxtı Sofiyada keçirilmiş “Strandja” beynəlxalq turnirini iki medalla yekunlaşdırıblar.

Federasiyadan Komanda.az-a verilən məlumata görə, qadınların mübarizəsində Aynur Rzayeva (+81 kq) fəxri kürsünün ikinci pilləsinə qalxıb. O, finalda Aqata Kajmarskaya (Polşa) məğlub olduğundan “gümüş”lə kifayətlənib.

Kişilərin yarışında isə Məhəmməd Abdullayev (+92 kq) 3-cü olub.

Turnirdə 40-a qədər ölkədən 398 idmançı (256 kişi, 142 qadın) mübarizə aparıb.