Azərbaycanın parakarateçisi dünya çempionu oldu

Macarıstanda karate üzrə dünya çempionatı başa çatıb.

Komanda.az xəbər verir ki, paytaxt Budapeştdə reallaşan yarışın son günündə mükafatlar uğrunda görüşlər keçirilib.

Parakarateçimiz Emiliya Mitlinova final qarşılaşmasında çexiyalı həmkarı ilə üz-üzə gəlib. Fəndləri daha dəqiq yerinə yetirən millimizin üzvü fəxri kürsünün zirvəsinə qalxıb.

Xatırladaq ki, daha əvvəl karateçi İrina Zaretska (68 kq) dünya çempionu olmuşdu.