Tokio-2020: İlham Zəkiyev “bürünc” uğrunda güləşəcək

Azərbaycanın paracüdoçusu İlham Zəkiyev Tokio-2020 Yay Paralimpiya Oyunlarında qızıl medal qazanmaq şansını itirib.

Komanda.az xəbər verir ki, 100 kq-dan yuxarı çəki dərəcəsində mübarizə aparan ikiqat paralimpiya çempionu 1/4 finalda Cənubi Koreya təmsilçisi Van-Gen Çoiyə uduzub.

Əvvəlki raundda Cek Hocsona (Böyük Britaniya) qalib gələn Zəkiyev təsəlliverici görüşdə yamaykalı Teador Subba ilə üz-üzə gəlib və qələbə qazanıb.

Zəkiyev bürünc medal uğrunda qarşılaşmaya çıxacaq. Onun rəqibi özbəkistanlı Şirin Şaripov olacaq.