Azərbaycanın 3 güləşçisi Avropa çempionatının yarımfinalında

Azərbaycanın üç qadın güləşçisi Bolqarıstanın Plovdiv şəhərində keçirilən gənclərin Avropa çempionatında yarımfinala yüksəlib.

Komanda.az xəbər verir ki, Şəhanə Nəzərova (50 kq) 1/4 final mərhələsində Makedoniya təmsilçisi Mariya Spirkovskaya elə ilk hissədə tam üstünlüklə qalib gəlib – 13:2.

Elnurə Məmmədova (55 kq) eyni mərhələdə Mariya Martinçuku (Slovakiya), Nigar Mirzəzadə (68 kq) isə onun həmyerlisi Olqa Maslovskayanı məğlubiyyətə uğradıb.

Nəzərova finala gedən yolda Şeker Şimonetta (Macarıstan) ilə, Məmmədova Samoil Mihaela (Moldova) ilə, Nigar Mirzəzadə Aslı Demir (Türkiyə) – Marta Navarro (İspaniya) cütünün qalibi ilə üz-üzə gələcək.

Yarımfinal görüşləri Bakı vaxtı ilə saat 18:45-də başlayacaq.