Azərbaycan Yüksək Liqasında ilk final matçı keçirilib

Qadın voleybolçular arasında Azərbaycan Yüksək Liqasında ilk final matçı keçirilib.

Komanda.az xəbər verir ki, “Azərreyl” “Abşeron”la üz-üzə gəlib. Gənclər və İdman Nazirliyinin Voleybol Mərkəzində baş tutan oyunda “Abşeron” 3:0 hesablı qələbəyə sevinib.

Komandalar arasında həlledici görüş aprelin 24-də, Milli Gimnastika Arenasında keçiriləcək.

Çempion iki oyunun nəticəsinə əsasən müəyyənləşəcək. İki qarşılaşmadan sonra tərəflər hərəyə bir qələbə qazanarlarsa (xallar da bərabər olarsa), “qızıl set” oynanılacaq.