Azərbaycan voleybolçuları İndoneziya çempionu elan olundular

Azərbaycan voleybolçuları Odina Əliyeva və Natalya Məmmədova şərəfini qoruduğu “Cakarta” klubu ilə çempion tituluna yiyələniblər.

Komanda.az xəbər verir ki, həmyerlimiz Ziya Rəcəbovun rəhbərlik etdiyi komanda İndoneziya Voleybol Federasiyasının qərarı ilə ölkənin ən güclüsü elan olunub.

Buna səbəb onların müntəzəm çempionatda bütün rəqiblərini üstələməsi olub. Nəticə koronavirus pandemiyasına görə dayandırılan yarış təmsilçilərimizin çıxış etdiyi “Cakarta”nın birinci olması ilə yekunlaşıb.

Odina Əliyeva isə birinci raundun bombardiri, ən yaxşı hücumçu və liqanın ən dəyərli oyunçusu seçilib.