Azərbaycan yığmalarından Hindistanda ardıcıl 2-ci qələbə

Kişi və qadınlardan ibarət Azərbaycan milli komandaları bu gün Hindistanın Çennay şəhərindəki Ümumdünya Şahmat Olimpiadasında növbəti görüşlərini keçiriblər.

Komanda.az xəbər verir ki, kişilərdən ibarət yığma ikinci görüşünü Filippin seçməsinə qarşı keçirib və növbəti qələbəsini qazanıb. Komandamız ilk turda Əlcəzairi 4:0 hesabı ilə üstələmişdi.

Qadınlar isə bu dəfə Finlandiyanın müvafiq kollektivi ilə üz-üzə gəlib və yenə darmadağına seviniblər. Yığma ilk qarşılaşmasında Birləşmiş Ərəb Əmirliklərini məğlub etmişdi – 4:0.

Ümumdünya Şahmat Olimpiadası
2-ci tur
30 iyul

Filippin – Azərbaycan – 1:3

Mark Paraqua – Rauf Məmmədov 0,5:0,5
Rocerio Barcenilya – Qədir Hüseynov – 0:1
Con Pol Qomes – Vasif Durarbəyli – 0,5:0,5
Paulo Bersamina – Nicat Abbasov – 0:1

Finlandiya – Azərbaycan – 0:4

Anastasiya Nazarova – Günay Məmmədzadə – 0:1
Yoanna Paasikanqas – Xanım Balacayeva – 0:1
Tanya Tuominen – Gülnar Məmmədova – 0:1
Sarabella Norlamo – Ülviyyə Fətəliyeva 0:1

Ümumdünya Şahmat Olimpiadası avqustun 10-da başa çatacaq.