Azərbaycan millisi Avropa çempionatında iştirak edəcək

Çimərlik voleybolu üzrə 18 yaşadək oğlanlardan ibarət Azərbaycan millisi Avropa çempionatına qatılmaq üçün İspaniyaya yollanıb.

Azərbaycan Voleybol Federasiyasından Komanda.az-a verilən məlumata görə, komanda avqustun 23-də İspaniyanın paytaxtı Madriddə start götürəcək turnirdə iştirak edəcək.

Təsnifat mərhələsindən mübarizəyə başlayacaq yığmaya İqor Olefirin rəhbərlik edəcək. Komandanın meneceri isə Valeriya Romanoviç olacaq.

Avropa çempionatına avqustun 27-də yekun vurulacaq.