De Byazi: “İtaliya millisi Belçikanı məğlub edə bilər”

Azərbaycan milli komandasının baş məşqçisi Canni De Byazi AÇ-2020-nin 1/4 final mərhələsi çərçivəsində bu gün keçiriləcək Belçika – İtaliya matçı ilə bağlı fikirlərini bildirib.

Komanda.az “tuttojuve.com” saytına istinadən xəbər verir ki, “Bianconera” radiosuna danışan De Byazi, İtaliya yığmasının qələbə qazana biləcəyini deyib:

“İtaliya millisi Belçikanı məğlub edə bilər. Roberto Mançini ona həlledici imkanlar verən yaxşı heyətə sahibdir”.

De Byazi “Yuventus”un yeni baş məşqçisi Massimiliano Alleqri haqda da danışıb:

“Alleqri yenə də yaxşı nəticə verəcək. Çünki oyunçularla münasibəti yaxşıdır və taktiki cəhətdən də çevikdir. Kriştiano Ronaldo? Ona qarşı şübhə yoxdur, ancaq balanslılıq baxımından yenə düşünmək lazımdır”.