Azərbaycan güləşçilərindən Rusiyada 3 medal

Rusiyanın Yakutsk şəhərində keçirilən “Asiya uşaqları” Oyunlarında güləş yarışlarına start verilib.

Komanda.az xəbər verir ki, U-15 yaş qrupu üzrə keçirilən yarışda qızlardan ibarət millimizin 3 üzvü fəxri kürsüyə qalxıb.

Rəna Nuriyeva (54 kq) gümüş, Gülnar Ağadadaşova (39 kq) və Simura Abdullayeva (62 kq) isə bürünc medal qazanıb.

Xatırladaq ki, “Asiya Uşaqları” Oyunlarında güləş yarışları iyulun 2-dək davam edəcək