Azərbaycan cüdoçularının “Böyük Dəbilqə”dəki ilk rəqibləri müəyyənləşib

Azərbaycan cüdoçularının Monqolustanın paytaxtı Ulan-Batorda keçiriləcək “Böyük Dəbilqə” turnirindəki ilk rəqibləri müəyyənləşib.

Komanda.az Cüdo Federasiyasının mətbuat xidmətinə istinadən xəbər verir ki, bu gün turnirin püşkatma mərasimi keçirilib.

Balabəy Ağayev və Turan Bayramov (hər ikisi 60 kq) yarışa 1/8 final mərhələsindən qoşulacaq. Elşən Əsədov (66 kq) isə 1/16 final mərhələsindən mübarizəyə qoşulacaq.

Kişilər

60 kq, 1/8 final

Balabəy Ağayev – Konstantin Simeonidis (BƏƏ) / Mendsayxan Nyamsuren (Monqolustan) cütünün qalibi ilə

Turan Bayramov – Sumiyabazar Enxtayvan (Monqolustan) / Yuantao Van (Çin) cütünün qalibi ilə

66 kq, 1/16 final

Elşən Əsədov – Cantsandorj Unurbat (Monqolustan)

Beynəlxalq turnirdə Azərbaycanı 2 çəki dərəcəsində 3 idmançı təmsil edəcək. Yarış sabah saat 08:00-da başlayacaq.