Azərbaycan çempionatında 3-cü turun oyun cədvəli açıqlandı

Qadın voleybolçular arasında Azərbaycan çempionatında növbəti oyunlar keçiriləcək.

Komanda.az xəbər verir ki, Yüksək Liqada 3-cü turun qarşılaşmaları noyabrın 28-də və 29-da baş tutacaq.

Noyabrın 28-də turun iki qarşılaşması keçiriləcək. “Milli Aviasiya Akademiyası” komandası “Abşeron”la üz-üzə gələcək. Görüş saat 15:00-da başlayacaq. Üç saat sonra isə “Gəncə” klubu UNEC-in qonağı olacaq.

Noyabrın 29-da isə turun son matçı “AZERRAIL” və “Murov Az Terminal” komandaları arasında olacaq. Oyunun start fiti saat 15:00-da veriləcək.

Qeyd edək ki, hər üç oyun Bakıda GİN-nin Voleybol Mərkəzində keçiriləcək.

28 noyabr
15:00. “Milli Aviasiya Akademiyası” – “Abşeron”
18:00. UNEC – “Gəncə”

29 noyabr
15:00. “Azərreyl” – “Murov Az Terminal”