Azarkeşlərə görə təxirə salınan oyunun tarixi açıqlandı

Fransa Liqa 1-in 10-cu turundan təxirə salınan “Olimpik” (Marsel) – “Olimpik” (Lion) oyununun tarixi bəlli olub.

Komanda.az “RMC Sport”a istinadən xəbər verir ki, qarşılaşma dekabrın 6-da gerçəkləşəcək.

Oktyabrın 29-da keçirilməli olan görüş marselli azarkeşlərinin qonaq komandanın avtobusuna hücumu səbəbindən baş tutmayıb. Hadisə nəticəsində qonaqların baş məşqçisi Fabio Qrosso üzündən xəsarət alıb.