“Azarkeşlərimizi sevindirməyə çalışacağıq” – Cəfərquliyev

“Qarabağ”ın futbolçusu Elvin Cəfərquliyev Bakıda Rumıniya təmsilçisi FCSB-yə qarşı keçirəcəkləri UEFA Avropa Liqası oyunundan əvvəl mətbuat konfransında iştirak edib.

Komanda.az xəbər verir ki, 24 yaşlı müdafiəçi matça yaxşı hazırlaşdıqlarını bildirib:

“Rəqibi tanıyırıq, bəzi oyunlarını izləmişik. Azarkeşlərimizi sevindirməyə çalışacağıq”.

UEFA Avropa Liqasının Liqa mərhələsinin 7-ci turunun “Qarabağ” – FCSB matçı yanvarın 23-də, saat 21:45-də Tofiq Bəhramov adına Respublika stadionunda keçiriləcək. “Qarabağ” turnir cədvəlində 3 xalla 33-cü, FCSB 11 xalla 10-cu sıradadır.

Nəzrin Kazımlı