“Bu matçın bizim üçün vacib olduğunu bilirik” – İnzaqi

“İnter”in baş məşqçisi Simone İnzaqi A Seriyasının 12-ci turunun “Napoli” ilə bu gün keçiriləcək oyunundan əvvəl fikirlərini bölüşüb.

Komanda.az xarici KİV-ə istinadən xəbər verir ki, o, bu oyunun vacib olduğunu söyləyib:

“Cədvəldəki mövqe haqqında danışmaq hələ tezdir. Qarşıda çoxlu oyunlar var, amma bu matçın bizim üçün vacib olduğunu bilirik. Biz hazırlaşırıq, fiziki və əqli cəhətdən sağalmağa çalışırıq. Gərgin dövr yaşadıq. Çempionata liderlik edən komanda ilə bizi gözəl matç gözləyir. Antonio Konte “Napoli”yə çox şey verdi. Azarkeşlərimiz qarşısında ən yaxşı tərəfimizi göstərməliyik”.

“Napoli” “İnter”i bir xal qabaqlayaraq, turnir cədvəlinə başçılıq edir.