Azarkeşlər braziliyalı qapıçını “tənqid atəşi”nə tutdu

“Mançester Siti”nin qapıçısı Ederson Klublararası dünya çempionatının 1/8 final mərhələsində Səudiyyə Ərəbistanının “Əl-Hilal” komandası ilə keçirilən oyundakı çıxışı ilə azarkeşlərin kəskin tənqidinə tuş gəlib.

“Şəhərlilər” ABŞ-da keçirilən turnirdə 3:4 hesabı ilə məğlub olaraq mübarizəni dayandırıblar.

Komanda.az xəbər verir ki, azarkeşlərin Edersonun çıxışı ilə bağlı sərt şərhləri “Sportbible” nəşrində yer alıb. Onlardan bəziləri belədir:

“Ederson trebli qazandığı gündən bəri top saxlamaq istəmir sanki”;

“Onu Alisson Bekkerlə müqayisə etdiklərinə inana bilmirəm”;

“Ayıbdır. Ederson matçda bir dəfə də olsun komandanı xilas etmədi. Hətta cəhd belə, göstərmədi”.

Braziliyalı qapıçı 2017-ci ildən “Mançester Siti”də çıxış edir. Onun klubla müqaviləsinin müddəti 2026-cı ilin yayına qədərdir.