Azərbaycanlı şahmatçı İspaniyada birinci oldu

Azərbaycan şahmatçısı Eltac Səfərli İspaniyada açıq turnir çərçivəsində keçirilən blits yarışında uğurla çıxış edib.

Komanda.az xəbər verir ki, 30 yaşlı qrossmeyster 9 turda 7,5 xal toplayaraq birinci yeri tutub.

Səfərli yarışın güclü A turnirində mübarizəsini davam etdirir. Səkkiz turdan sonra o, 6 xalla üçüncü yerdədir. Son turda şahmatçımız yarım xal geri qaldığı lider Tin Jingyao (Sinqapur) ilə üz-üzə gələcək.