Zabit Səmədov texniki nokautla qələbə qazandı

Azərbaycanlı kikboksçu, K1 döyüşçüsü Zabit Səmədov MMA turniri olan ACA-130-da döyüşə çıxıb.

Komanda.az xəbər verir ki, “Mauqli” ləqəbli 37 yaşlı idmançı oktaqonda K1 qaydaları ilə keçirilən döyüşdə Nayf Didye ilə qarşılaşıb. Səmədov rəqibinə 2-ci raundda texniki nokautla qalib gəlib.

Qroznıda keçirilən döyüşü Çeçenistanın prezidenti Ramzan Kadırov da izləyib.

Zabit Səmədov bu görüşdə qalib gəlməklə karyerasında 103-cü qələbəsini qazanıb.