Azərbaycanlı hakim UEFA-dan təyinat alıb

Azərbaycanın FİFA referisi Kamal Umudlu UEFA-dan təyinat alıb.

Bu barədə Komanda.az-a AFFA-nın mətbuat xidmətindən məlumat verilib.

Umudlu UEFA Konfrans Liqasının 2-ci təsnifat mərhələsinin cavab oyunu çərçivəsində keçiriləcək “İberiya” (Tbilisi, Gürcüstan) – “Levadiya” (Estoniya) qarşılaşmasının baş hakimi olacaq.

Ona Namik Huseynov və Vusal Mammadov kömək edəcəklər. Dördüncü hakim funksiyasını Tural Qurbanov yerinə yetirəcək.

İyulun 29-da Tbilisi şəhərində yerləşən Mixail Mesxi adına stadionda keçiriləcək oyun saat 20:00-da başlayacaq.