Azərbaycanlı futbolçu Ukrayna klubunda debüt etdi

Ukraynanın “Polesye” komandası yeni mövsümə hazırlıq çərçivəsində ilk sınaq matçına çıxıb.

Komanda.az xəbər verir ki, azərbaycanlı yarımmüdafiəçi Emil Mustafayevin yenicə müqavilə bağladığı bu klubun Avstriya toplanışındakı ilk rəqibi Rumıniyanın “Otelul Qalati” komandası olub.

Qarşılaşma heç-heçə yekunlaşıb – 2:2. Azərbaycanın U-21 yığmasının yarımmüdafiəçisi bu görüşün ikinci hissəsində meydana çıxmaqla yeni komandasında debüt edib.