Azərbaycanlı futbolçu qol vurdu, komandası “Qalatasaray”a uduzdu

Azərbaycanlı futbolçu Vüsal İsgəndərlinin çıxış etdiyi “Boluspor” Türkiyə Kubokunun matçında “Qalatasaray”a 1:4 hesabı ilə məğlub olub.

Komanda.az xəbər verir ki, C qrupunun 2-ci turunun qarşılaşmasında hesabı Vüsal İsgəndərli açıb.

11-ci dəqiqədə adını tabloya yazdıran oyunçu komandasını hesabda irəli çıxarıb. Bununla belə Bolu təmsilçisi qələbə hesabını qoruya bilməyib.

45-ci dəqiqədə sarı vərəqə də alan İsgəndərli sonadək meydanda olub.