Azərbaycanlı idmançı Avropa kubokunun “bürünc”ünü qazandı

Azərbaycanın və “Qəbələ” İdman Klubunun cüdoçusu İmran Yusifov növbəti mükafatını qazanıb.

Komanda.az xəbər verir ki, Yusifov Rusiyanın Orenburq şəhərində təşkil olunan Avropa kubokunda fərqlənib. +100 kq çəki dərəcəsində çıxış edən Azərbaycan təmsilçisi ilk mərhələdə Arman Kaliyevə (Qazaxıstan) qalib gəlsə də, ardınca Nodar Baqayevə (Rusiya) uduzub.

Təsəlliverici görüşlərə qatılan Yusifov Anatoli Şoxtin (Rusiya) üzərində qələbə qazanıb. Bürünc medal uğrunda qarşılaşmada Sergey Venikovu (Rusiya) da məğlub edən İmran Avropa kubokunun mükafatçısı olub.

Fəxri kürsüyə qalxan İmran Yusifov yarışda bürünc medala yiyələnib.