Azərbaycanın 1-ci və 2-ci Liqalarında oktyabrın ən yaxşı qolunun müəllifləri mükafatlandırılıb

Azərbaycanın 1-ci və 2-ci Liqalarında oktyabr ayının ən yaxşı qolunun müəllifləri Emil Quluzadə və Tural Qurbatov mükafatlandırılıb.

Komanda.az xəbər verir ki, bu barədə Peşəkar Futbol Liqasının mətbuat xidməti məlumat yayıb.

Quluzadə 1-ci Liqada “Difai”nin formasını geyinir. Tural Qurbatov isə 2-ci Liqa təmsilçisi “Şahdağ Qusar”ın futbolçusudur.

AFFA-nın inzibati binasında təşkil olunan tədbirdə mükafatları futbolçulara Peşəkar Futbol Liqasının Media və marketinq direktoru Sənan Abdullayev təqdim edib.