Diqqət, “Mübarizlər”in mübarizəsi başlayır!

Azərbaycanda yeni futbol komandası yaradılıb.

Komanda.az xəbər verir ki, bu, “Mübarizlər” komandasıdır. Ceyranbatan qəsəbəsini təmsil edən komanda Bakı Kəndlər çempionatında mübarizə aparacaq.

“Mübarizlər”in baş məşqçisi Bəhruz Zeynalovdur. Zeynalov vaxtilə Azərbaycanın U-19, U-21 millisində, “Şəfa”, “Xəzər Lənkəran”, “Masallı” kimi klublarda forma geyinib.

“Mübarizlər” komandasının idarə heyətinə Samir Musayev, Elvin Rzayev, Ehtiram Orucov, Surxay Məhərrəmov daxildir.

“Mübarizlər”in mübarizəsi uğurlu olsa, komanda gələcəkdə səviyyəcə daha yüksək liqalarda mübarizə aparmağı qarşısına məqsəd qoyub.