Azərbaycanda oynamış futbolçu Honq-Konq klubunda

“Səbail”in keçmiş futbolçusu Ali Siseyin yeni klubu müəyyənləşib.

Komanda.az xəbər verir ki, sierra-lioneli müdafiəçi karyerasını “Lee Man”da davam etdirəcək. Bu barədə Honq-Konq klubunun saytı məlumat yayıb.

Sisey 2020-ci ilin yanvarından 2021-ci ilin yanvarınadək “Zirə”də oynayıb. Daha sonra o, “Səbail”ə transfer olunub. 28 yaşlı futbolçunun son klubu “PSİS Semaranq” (İndoneziya) olmuşdu.