Azərbaycan yığması Lüksemburqa məğlub oldu

Kişi voleybolçulardan ibarət Azərbaycan millisi növbəti oyunlarını keçirib.

Komanda.az xəbər verir ki, Gümüş Avropa Liqasında Lüksemburqla qarşılaşan yığma rəqibinə 0:3 hesabı ilə uduzub.

Görüş Gənclər və İdman Nazirliyinin Voleybol Mərkəzində baş tutub.

Qeyd edək ki, Fərid Cəlalovun baş məşqçisi olduğu komanda daha əvvəl İsveçə uduzub (0:3), Gürcüstan seçməsini isə məğlub edib – 3:0.