Azərbaycan voleybolçularından Bosniya və Herseqovina üzərində iki qələbə

Bosniya və Herseqovinada təlim-məşq toplanışında olan qadın voleybolçulardan ibarət Azərbaycan millisi bu ölkənin yığma komandası ilə üç yoldaşlıq oyunu keçirib.

Komanda.az xəbər verir ki, ilk oyunda 2:2 hesabı qeydə alınıb.

Digər iki qarşılaşmada isə millimiz 3:1 hesabları ilə qələbə qazanıb. Bu oyunlarda komandamızın yeni sistem və taktikaları sınaqdan keçirilib.

Yığmamız bu gün keçirilən son matçla Bosniya və Herseqovinadakı təlim-məşq toplanışını başa vurub.

Xatırladaq ki, komandamız AÇ-2021-də Bosniya və Herseqovina yığmasına 0:3 hesabı ilə məğlub olmuşdu.