Azərbaycan Tokio-2020-ni “qızıl”sız bitirdi – cəmi 7 medal

Azərbaycan karateçisi İrina Zaretska Tokio-2020 Yay Olimpiya Oyunlarında növbəti görüşünü keçirib.

Komanda.az xəbər verir ki, 61 kq-dan yuxarı çəkidə çıxış edən idmançı finalda Misir təmsilçisi Feryal Abdelazizlə üz-üzə gəlib.

Rəqibinə məğlub olan Zaretska gümüş medalla kifayətlənib.

Beləliklə, Azərbaycan idmançıları Tokio-2020-də çıxışlarını başa vurublar. Olimpiadada iştirak edən 44 idmançıdan cəmi 7-si medal qazanıb. Qazanılan medallar arasında qızıl yoxdur. Bu isə o deməkdir ki, Tokio-2020-də Azərbaycan idmançılarından olimpiya çempionu adını qazanan olmayıb.

Tokio-2020-də medal qazananlar

Cüdo: İrina Kindzerska (+78 kq) – bürünc

Boks: Alfonso Dominges (81 kq) – bürünc

Yunan-Roma güləşi: Rafiq Hüseynov (77 kq) – bürünc

Karate: Rafael Ağayev (75 kq) – gümüş, İrina Zaretska (+61 kq) – gümüş

Sərbəst güləş: Hacı Əliyev (65 kq) – gümüş

Qadın güləşi: Mariya Stadnik (50 kq) – (bürünc)

Olimpiadaya avqustun 8-də yekun vurulacaq.