Rəsmi: “Sabah” milli üzvünün müqaviləsinin müddətini artırdı

Azərbaycan millisinin üzvü Təmkin Xəlilzadə formasını geyindiyi “Sabah” klubundakı müqaviləsini yeniləyib.

Komanda.az xəbər verir ki, bununla bağlı 27 yaşlı cinah oyunçusu “instagram” hesabında paylaşım edib. Təmkin, “Sabah”la sözləşməsini mövsümün sonuna qədər uzadıb.

2019-cu ilin yayında “Qəbələ”dən “Sabah”a keçən Təmkinin əvvəlki müqaviləsi bu ilin sonuna qədər idi.

Xəlilzadə Azərbaycan yığmasında 20 oyuna 3 qol vurub.