Azərbaycan millisinin üzvü Albaniya çempionu oldu

Azərbaycan millisinin üzvü Zamiq Əliyevin formasını geyindiyi “Eqnatiya” Albaniya çempionu olub.

Komanda.az xəbər verir ki, sözügedən komanda pley-off mərhələsinin həlledici görüşündə “Vlajniya” ilə qarşılaşıb.

“Eqnatiya” 4:0 hesablı qələbə qazanaraq ölkə çempionu olub. Zamiq də bu oyunda iştirak edib. O, meydana start heyətdə çıxıb və sonadək oynayıb.

Xatırladaq ki, Əliyev “Eqnatiya”ya bu mövsümün əvvəlində qoşulmuşdu.