Azərbaycan millisinin təxirə salınmış oyunlarının vaxtı bilindi

Qadın futbolçulardan ibarət milli komandalar arasında Avropa çempionatının seçmə mərhələsi çərçivəsində bu ilin sentybrın 16-da və 22-də keçirilməli olan Azərbaycan – Moldova və Azərbaycan – İspaniya qarşılaşmaları koronavirus (COVİD-19) pandemiyası ilə əlaqədar təxirə salınmışdı.

Komanda.az xəbər verir ki, UEFA tərəfindən təsdiq olunmuş təqvimə əsasən, Azərbaycan – İspaniya qarşılaşmasının fevralın 18-də, Azərbaycan – Moldova oyununun isə 23-də keçirilməsinə qərar verilib.

Oyunların stadionu və başlanma vaxtı barədə əlavə məlumat veriləcək.