Azərbaycan millisinin heyətində dəyişiklik edilib

Azərbaycanın 18 yaşadək futbolçulardan ibarət millisinin heyətində dəyişiklik edilib.

Komanda.az AFFA-nın mətbuat xidmətinə istinadən xəbər verir ki, Murad Məmmədov (“Neftçi”) və Şahismayıl Cəfərli (“Qarabağ”) zədə səbəbindən bu gün başlayan təlim-məşq toplanışına qatılmayıblar.

Onların əvəzinə İbrahim Babayev (“Zirə”) və İsa Hüseynov (“Şamaxı”) komandaya qoşulublar.

U-18 dekabrın 1-dək Qəbələdə təlim-məşq toplanışı keçəcək.