Azərbaycan millisinin heyətində dəyişiklik edilib

Futzal üzrə Azərbaycan millisinin heyətində dəyişiklik edilib.

Azərbaycan Futzal Federasiyasından Komanda.az-a verilən məlumata görə, Amir Şojaei heyətdən çıxarılıb. Buna səbəb 35 yaşlı oyunçunun zədəli olmasıdır.

Bakıda təlim-məşq toplanışında olan Azərbaycan yığması martın 3-də DÇ-2024-ün əsas mərhələsində Yunanıstan millisi ilə üz-üzə gələcək. Qarşılaşma Bakı İdman Sarayında keçiriləcək.