Azərbaycan millisinin baş məşqçisi Yunanıstana gedib

Azərbaycan milli komandasının baş məşqçisi Fernandu Santuş Yunanıstanda səfərdə olub.

Komanda.az xəbər verir ki, o, Salonikidə keçirilən Yunanıstan Super Liqasının PAOK – AEK (1:0) görüşünü izləyib.

Portuqaliyalı mütəxəssisin bu oyunda olmasının səbəblərindən biri də komandaya rəhbərlik edərkən PAOK-a dəvət etdiyi Vieyrinyanın futbolçu karyerasını bitirməsi olub.

Azərbaycan millisinin çalışdırıcısı 39 yaşlı futbolçuya “ağ-qaralar”ın xatirə lövhəsini təqdim edib.

Santuş 2007-2010-cu illərdə PAOK-da çalışıb.