“Azərbaycan millisini türkiyəli mütəxəssis çalışdırmalıdır” – Samet Aybaba

Türkiyəli tanınmış futbol mütəxəssisi Samet Aybaba Azərbaycan milli komandası haqda danışıb.

Komanda.az xəbər verir ki, o, “Milliyyət” qəzetinə verdiyi geniş müsahibədə yığmamızı türk məşqçinin çalışdırmalı olduğunu deyib:

“Azərbaycan bizim qardaş ölkəmizdir. Bunu bilirsiniz. Azərbaycan milli komandalarında bir nəfər də olsun türkiyəli mütəxəssis yoxdur. İndiyədək yığmada türkiyəli baş məşqçi olmayıb. Belə şey olarmı? Bu, ən bəsit misaldır. Bizim baş məşqçilərin Azərbaycanda da işləməsi lazımdır”.