Azərbaycan millisi təsəlliverici görüşdə İtaliyanı məğlub edib

Yeniyetmə cüdoçulardan ibarət Azərbaycan millisinin üzvləri Bolqarıstanda keçirilən Avropa çempionatının komanda yarışında növbəti görüşlərini keçiriblər.

Komanda.az xəbər verir ki, yığma təsəlliverici qarşılaşmada İtaliya millisi ilə üz-üzə gəlib.

Qarşılaşma millimizin qələbəsi ilə bitib – 4:1.

Azərbaycan cüdoçuları fərdi mübarizəni 1 qızıl, 1 gümüş və 2 bürünc medalla başa vurublar.