“Azərbaycan millisi ilə oyunda da qələbə qazanmaq istəyirik” – İsveç yığmasının baş məşqçisi

İsveç yığmasının baş məşqçisi Yon Dal Tomasson Azərbaycan millisinə qarşı keçirəcəkləri UEFA Millətlər Liqasının qrup mərhələsinin 6-cı turunun matçından əvvəl təşkil olunan mətbuat konfransında iştirak edib.

Komanda.az xəbər verir ki, Tomasson C Liqasının ən yaxşı komandası olmaq istədiklərini deyib:

“DÇ-2026 üçün buradan pley-off şansı əldə edə bilərik. Sabah Azərbaycan millisi ilə oyunda da qələbə qazanmaq istəyirik”.

Baş məşqçi bir neçə futbolçunun zədəli olduğunu da bildirib:

“Sabah səhər tibbi müayinədən sonra heyətlə bağlı son qərarı verəcəyik”.

Noyabrın 19-da “Strouberri Arena”da keçiriləcək İsveç – Azərbaycan matçı saat 23:45-də start götürəcək.

Fəxri Rüstəmli