Azərbaycan millisi bu gün Serbiya ilə qarşılaşacaq

21 yaşadək futbolçulardan ibarət Azərbaycan millisi bu gün Avropa çempionatının seçmə mərhələsində növbəti oyununu keçirəcək.

Komanda.az xəbər verir ki, Samir Əliyevin baş məşqçisi olduğu komanda Bakıda Serbiya yığmasını qəbul edəcək.

“Dalğa Arena”da keçiriləcək oyun saat 19:00-da start götürəcək. Rəqib 8 qarşılaşmadan sonra 10 xalla üçüncü, Azərbaycan millisi 3 xalla (7 oyun) sonuncu – altıncı pillədə qərarlaşıb.

U-21 millisi sentyabrın 6-da səfərdə Lüksemburqa uduzub – 0:2.