Azərbaycan millisi bu gün Latviya ilə qarşılaşacaq

21 yaşadək futbolçulardan ibarət Azərbaycan millisi bu gün yoldaşlıq oyunu keçirəcək.

Komanda.az xəbər verir ki, Avropa çempionatının seçmə mərhələsinə hazırlıq məqsədilə Bakıda təlim-məşq toplanışında olan U-21 Latviya ilə qarşılaşacaq.

“Dalğa Arena”da baş tutacaq matça saat 18:00-da start veriləcək. Görüşü yerli hakimlər briqadası idarə edəcək. Əkbər Əhmədov ədalət təmsilçisi olacaq. Ona Orxan İbişov və Rasim Axundov kömək edəcəklər. Şamil İmanzadə isə dördüncü hakim funksiyasını yerinə yetirəcək.

Samir Əliyevin baş məşqçisi olduğu komanda noyabrın 21-də Avropa çempionatının seçmə mərhələsində Ukrayna ilə qarşılaşacaq. İspaniyanın Mursiya şəhərindəki “Nueva Kondomina” stadionunda baş tutacaq oyunun start fiti saat 22:00-da səslənəcək.