Azərbaycan millisi bu gün Avropa çempionatında son matçına çıxacaq

Azərbaycanın 17 yaşadək futbolçulardan ibarət millisi Avropa çempionatının seçmə mərhələsində bu gün sonuncu – üçüncü matçına çıxacaq.

Komanda.az xəbər verir ki, 9-cu qrupda yer alan komanda Rumıniya ilə üz-üzə gələcək.

Oyun Fransanın Kapbreton şəhərində yerləşən “Bourret” stadionunda, saat 17:00-da start götürəcək.

Qarşılaşmanı Xorvatiya və Fransadan olan hakimlər briqadası idarə edəcək.

Qrupda Fransa və İsrail milliləri 4 xalla müvafiq olaraq 1-ci və 2-ci yerlərdə qərarlaşıblar. Rumıniya 2 xalla üçüncüdür. Xalı olmayan Azərbaycan U-17 millisi sonuncu pillədədir.